Sara Duterte, lamang na sa VP race

Nangunguna ang presidential daughter na si Davao City Mayor Sara Duterte sa vice presidential race.

Ito ay batay sa unang transmission ng partial at unofficial results mula sa Commission on Election (COMELEC) server.

Nakakuha si Mayor Sara ng mahigit 22 milyon as of 9:47 PM.

Pumangalawa si Senador Kiko Pangilinan na may higit 6.7 milyon, Senate President Tito Sotto na may higit 6 milyon.

Pang-apat si Dr. Willie Ong at panglima si Lito Atienza.

Posible namang maideklara ang mananalong kandidato sa loob ng apat hanggang isang linggo.

Ito ay ayon kay Commission on Election (Comelec) Acting Spokesperson Jhon Rex Laudiangco.

Mababatid na sinabi noong February 1 ni Pastor Apollo C. Quiboloy, ang honorary chairman ng Sonshine Media Network International (SMNI) na landslide ang boto na makukuha ng UniTeam ngayong halalan.