Sec. Duque, nasaktan sa panawagang magbitiw siya sa puwesto

Inamin ni Health Sec. Francisco Duque III na nasaktan siya sa panawagan ng ilang senador na magbitiw siya sa puwesto

Sa kabila nito, sinabi ni Duque na iginagalang niya ang ginawang hakbang ng Senate Majority sa gitna ng hinaharap na krisis ng Pilipinas sa Coronavirus Disease 2019 (COVID-19) pandemic.

Ayon sa kalihim, sana nagpasalamat man lang ang mga mambabatas sa ginagawang efforts ng ahensya mula noong pumutok ang outbreak sa bansa.

Binigyang diin ni Duque na ipagpapatuloy pa rin niya ang kanyang pamumuno sa Department of Health (DOH) at Inter-Agency Task Force (I-ATF) hangga’t pinagkakatiwalaan siya ni Pangulong Rodrigo Duterte.