Sen. Bong Go, nanawagan sa mga mamamayan na mag-ingat pa rin laban sa COVID-19

Kasabay ng pag-aalis ng state of public health emergency, nanawagan si Committee on Health Chairperson Senador Bong Go sa ehekutibo na tiyaking maipagkakaloob sa mga healthcare workers ang mga benepisyo at allowances na dapat nilang nakuha nitong pandemya sa ilalim ng batas.

Kabilang sa mga dapat nilang matanggap ang mga hindi pa naibibigay na COVID-19-related allowances at mga death benefit ng mga healthcare workers na nasawi sa paglaban sa laban sa COVID-19.

Kaugnay nito, nanawagan rin si Go sa lahat ng mga Pilipino na patuloy na mag-ingat, alagaan ang sarili, at unahin ang kalusugan.