Sen. Poe, sinariwa ang “Hello, Garci” scandal; reporma sa 2025 elections, ipinanawagan

Nagbalik-tanaw si Senadora Grace Poe sa mga alaala ng “Hello, Garci” scandal. Ito ay ukol sa umano’y teleponong usapan sa pagitan ng isang kandidato sa pagkapangulo at ng dating komisyoner ng halalan na si Virgilio Garcillano upang manipulahin ang mga resulta noong 2004 presidential elections.

Binigyang-diin ni Poe na kailangang magkaroon ng mga reporma sa eleksyon upang maiwasan ang pag-uulit ng “bahid sa ating kasaysayan” na aniya’y “nagnakaw” sa kanyang ama, ang yumaong Pambansang Alagad ng Sining Fernando Poe Jr., ng mga boto para sa pagkapangulo.

Ang pagpapanatili sa kontrobersiya ay nangangailangan aniya ng mga lunas sa sistemang elektoral upang tiyakin ang tunay na malinis at tapat na halalan, sabi ng senador.

Araw ng Miyerkules, Mayo 8 ay inihain ng senador ang Senate Bill No. 2664 na may layuning amyendahan ang kahulugan ng “vote buying” sa ilalim ng Omnibus Election Code.

Nais din nitong isali bilang krimen ang paggamit ng teknolohiya tulad ng mga computer device, software, at aplikasyon sa espasyo ng eleksyon. Ito ay nagtatakda din ng parusa para sa vote buying ng pagkakabilanggo ng hindi kukulangin sa 6 na taon ngunit hindi hihigit sa 10 taon.