Senator-elect Raffy Tulfo, nanumpa na bilang senador

Pormal nang nanumpa bilang senador si Senator-elect Raffy Tulfo ngayong Miyerkules, Hunyo 22.

Isinagawa ang kanyang oath-taking sa harap ni Supreme Court Senior Associate Justice Marvic Leonen sa Korte Suprema sa Lungsod ng Maynila.

Kasama ng bagong senador sa kanyang panunumpa ang asawang si ACT-CIS Party-list Representative Jocelyn Tulfo.

Si Senator-Elect Raffy Tulfo ang pumapangatlo sa mga tumakbong senador na nakakuha ng malaking boto noong nakaraang eleksyon na umabot sa mahigit 23 milyon.

Matatandaang nasa ikatlong pwesto si Tulfo sa 2022 senatorial race matapos makakuha ng mahigit 23 milyong boto.