Seventeen, nakuha ang Best Group Award sa 2024 MTV VMAs

Nakuha ng K-Pop boy group na Seventeen ang Best Group Award sa 2024 MTV Video Music Awards.

Bagamat hindi nakadalo sa awards ceremony na isinagawa sa New York nitong Setyembre 11, USA time ay ibinahagi naman ito ng grupo sa kanilang social media platforms.

Kaugnay nito, hinggil sa upcoming 12th mini album ng grupo sa Oktubre, sinasabing natapos na nila ang music video filming kasama sina Jeonghan at Jun.

Iyon nga lang, sa promotion activities nila ay hindi na makakasama ang dalawang myembro na nabanggit dahil sisimulan na ni Jeonghan ang kanyang mandatory military enlistment sa Setyembre 26 habang tututukan ni Jun ang kanyang acting career sa China.