Singil sa kuryente ng Meralco ngayong buwan ng Hulyo, tataas

May panibagong pasanin ngayon ang lahat ng kostumer ng Manila Electric Co. (MERALCO) dahil magpapatupad ang kumpanya ng taas-singil sa kuryente ngayong buwan ng Hulyo.

Sa anunsyo ng Meralco, tataas ng P2.15 ang kada kilowatt-hour (kWh) dahil sa pagtaas pagbabalik normal ng singil sa wholesale electricity spot market at pagtaas ng ibang power suppliers.

Dahil dito, papatak sa P11.60 ang magiging singil sa kada kWh ngayong buwan.

Katumbas naman ito ng dagdag na P400.30 dagdag bayarin ng mga kumukonsumo ng 200/kWh.

Higit P600 naman sa kumukonsumo ng 300/kWh at higit P1,000 sa kumukonsumo ng 500/kWh.

Noong June, aabot lang sa P9.45 ang singil sa kada kWh.