Singil sa kuryente ng Meralco ngayong Setyembre, tataas

May panibagong pasanin ang mga konsyumer ng Meralco (Manila Electric Company) ngayong buwan.

Sinabi ni Meralco spokesperson Joe Zaldarriaga, nasa 15 sentimos ang magiging dagdag-singil sa kada kilowatt-hour na konsumo.

Katumbas ito ng P31.00 na dagdag-singil sa mga komukonsumo ng 200 kilowatt-hour at P46.00 sa mga komukonsumo ng 300 kilowatt-hour.

Ang dahilan naman ng dagdag-singil ay ang pagtaas ng transmission charge.

Samantala, asahan na rin ayon sa Meralco ang pagtaas ng singil sa kuryente sa susunod na buwan dahil sa pagmahal ng presyo ng natural gas na ginagamit ng kanilang dalawang power suppliers.