National News
Singil sa tubig ng Maynilad at Manila Water ngayong buwan ng Oktubre, tataas
ASAHAN na ang taas-singil sa tubig ng Maynilad at Manila Water ngayong buwan ng Oktubre.
Ito ay matapos aprubahan ng Metropolitan Waterworks and Sewerage System (MWSS) board of trustees ang implementasyon ng Foreign Currency Differential Adjustment o FCDA para sa fourth quarter ng 2019.
Ayon sa MWSS, 69 sentimos ang magiging taas-singil sa kada cubic meter ng Manila Water habang 13 sentimos naman sa kada cubic meter ng Maynilad.
Katumbas ito ng 93 sentimos sa kada 10 cubic meter pababa na taas singil ng Manila Water; p2.06 sa kada 20 cubic meter at piso at p4.20 sa kada 30 cubic meter sa buwanang bill.
Habang katumbas naman ito ng 9 sentimos na dagdag-singil sa kada 10 cubic meter ng Maynilad; 34 sentimos sa kada 20 cubic meter at 70 sa kada 30 cubic meter sa buwanang bill.
