Solenn Heussaff, wala pang planong isapubliko ang unica hija

Wala pang planong ipakita ng aktres na si Solenn Heussaff ang unica hija na si Thylane Katana sa publiko.

Ito ang tugon ng aktres sa pangungulit ng mga followers nito sa kanyang Instagram account na ipasilip ang istura ni baby Katana.

Say ni Solenn, may mga nababasa siyang komento tungkol sa kanyang anak kung saan may mga nagtatanong kung may abnormalities ba ito o hindi ba siya proud sa itsura ng anak kaya hindi niya ipinopost sa social media.

Dagdag pa ni Solenn na plano niya ring ipakilala sa mundo ang kanyang unica hija sa hinaharap at hindi naman aniya siya nagmamadali para rito.

Gusto lamang din ng aktres na i-enjoy ang mga oras na kapiling ang kanyang anak nang pribado.