“State of calamity”, idineklara sa BARMM

Nagdeklara ng state of calamity ang Bangsamoro government dahil sa pinsalang dulot ng El Niño sa rehiyon.

Batay sa Proclamation No. 002 Series of 2024 ng office of the chief minister, mako-kontrol na ang presyo ng mga pangunahing produkto dahil sa deklarasyong ito.

Sa pamamagitan nito ay magagamit na rin ng mga lokal na pamahalaan sa Bangsamoro Autonomous Region in Muslim Mindanao (BARMM) ang mga pondo na nakalaan para sa rescue, recovery, relief at rehabilitation efforts sa apektadong mga pamilyang Pilipino.

Nitong May 1, ay nakapagtala ng 39°C na heat index ang mainland BARMM.