Super Mario Movie, kauna-unahang animated film na kumita ng $1-B gross ngayong taon

Itinanghal bilang kauna-unahang animated film na kumita ng $1-B na gross ngayong taon ang animated film na “The Super Mario Bros. Movie”.

Dahil dito, nakuha ng pelikula ang ika-10 spot sa kasaysayan ng animated films na nakakuha ng $1-B gross ilang linggo lang matapos ang pagkaka-release nito.

Matapos ang 1 buwan na pagpapalabas nito sa mga takilya, patuloy parin itong tinatangkilik ng mga manonood sa buong mundo.

Ang pelikulang “Super Mario” ay hango sa video game franchise ng Nintendo, na lubos din namang tinangkilik ng mga video game lovers bata man o matanda.