Taga-KOJC, naglinis sa Compound matapos ang 16-day siege

Agarang naglinis ang mga taga-KOJC (Kingdom of Jesus Christ) sa buong compound matapos ang 16 na araw na pagkubkob ng humigit kumulang 5K pulis.

Mula sa labas ng Compound, entrance ng gate, maging sa loob at labas ng King Dome hanggang sa hangar, tulong-tulong ang mga misyonaryo ng KOJC sa paglilinis sa mga iniwang bakas, masangsang na amoy, at mga dumi ng mga pulis.

Subalit kapansin-pansin at kakaiba nga talaga ang pamunuan ng KOJC sa pangunguna ni Pastor Apollo C. Quiboloy dahil sa kabila ng mga pinagdaanang kapagsubukan, nagagawa pa rin ng mga ito na ngumiti, tumawa at maging kalmado sa lahat ng bagay.

Ika nga, tila sinanay na ang mga ito sa ibat ibang unos at hagupit ng panahon dahil nananatili parin ang tatag, at pananampalataya ng mga taga-KOJC sa Makapangyarihang Ama sa Langit.