Taguig LGU, ibinida ang mga iba’t ibang serbisyo para sa mga senior citizen sa pagdiriwang ng Filipino Elderly Week

Ibinida ng Taguig City Government ang iba’t ibang serbisyo nito para sa kanilang mga senior citizens bilang pakikiisa sa pagdiriwang ng Filipino Elderly Week.

Ayon sa Taguig LGU na sa pamamagitan ng Office for Senior Citizens Affairs (OSCA) patuloy ang pagtugon ng lokal na pamahalaan sa mga pangangailangan ng mga elderly.

Sa bisa ng City Ordinance No. 25 series of 2017, mula ₱3,000 hanggang ₱10,000 (ayon sa age bracket), personal na hinahatid sa mga tahanan ng mga senior citizen ang birthday cash gift.

Dagdag pa ng LGU, nagbibigay din ng libreng gamot, libreng medical services, wheelchairs, saklay, at hearing aid sa mga nangangailangang senior citizens.