Tigre, nagpositibo sa COVID-19 sa Bronx Zoo sa New York City

Nagpositibo sa Coronavirus Disease 2019 (COVID-19) ang isang tigre sa Bronx Zoo sa New York City.

Kinumpirma ito ng Usda National Veterinary Services na isang 4 yrs. old na babaeng Malayan Tiger ang nagpositibo sa COVID-19.

Bukod sa nasabing hayop, 3 iba pang tigre at 3 African lion ang nagkaroon ng dry cough at humina sa pagkain.

Pinaniniwalang posibleng nahawa ang mga hayop sa caretaker na nadapuan ng COVID-19.

Ito ang itinuturing na kauna-unahang kaso ng infection ng naturang virus sa Amerika.

Kasabay nito ay pinayuhan ng CDC, ang mga COVID-19 patients na iwasan ang pagdikit sa mga hayop.

Samantala, sinabi ng Usda na wala pang ebidensya na maaring makapagpasa ng COVID-19 ang hayop sa mga tao.