Top 4 most wanted sa Oriental Mindoro, naaresto ng awtoridad

Natiklo ang top 4 most wanted person sa Oriental Mindoro.

Ito ay sa pagtutulungan ng Mansalay Municipal Police Station, 403rd Mobile Force Company at 3rd Platoon Oriental Mindoro Provincial Mobile Force Company.

Sa ulat ng Police Regional Office (PRO) 4B o MIMAROPA, kinilala ang suspek na si Luna Mangyao Elias, 47 taong gulang at residente ng Sitio Dagum, Barangay Panaytayan, Mansalay, Oriental Mindoro.

Nahaharap si Elias sa kasong rape kaugnay ng RA 7610 o Special Protection of Children against Child Abuse, Exploitation and Discrimination Act.

Nasa kustodiya na ng Mansalay Municipal Police Station ang suspek para sa kaukulang disposisyon.