VP Sara, numero unong choice parin sa pagka-presidente

Numero uno paring pinipili ng mga Pilipino para maging susunod na pangulo ng Pilipinas si Vice President Sara Duterte.

Batay ito sa survey na isinagawa ng Oculum Research and Analytics.

Sa kanilang non-commissioned second quarter 2024 opinion poll, 25.4% ang nakuha ng pangalawang pangulo.

Makikitang pinakamalaking supporter ni VP Sara ang mga taga-Mindanao at sinundan ng mga taga-Visayas.

Samantala, sa rankings ng naturang survey ay pumapangalawa kay VP Sara si Sen. Raffy Tulfo na may 18.5% at pangatlo si dating Vice President Leni Robredo na may 10.6%.

Si Sen. Imee Marcos ay nakakuha ng 5.7% habang si dating Manila Mayor Isko Moreno ay may 4.8%.