Work-from-home employees, kasama sa A4 priority group – DOLE

Kabilang sa A4 priority group ang mga empleyado o manggagawa na naka-work from home.

Ito ang nilinaw ni Labor Secretary Silvestre Bello III sa panayam ng Sonshine Radio.

Ayon kay Bello, maaaring magpabakuna ang mga empleyadong nagtatrabaho sa kanilang mga bahay dahil hindi naman lahat ng panahon ay nasa bahay lang ang mga ito.

Giit pa ni Bello, lahat ng manggagawa, ano man ang status nito ay kasama sa A4 priority list sa pagbabakuna kontra COVID-19.

Matatandaan na noong Biyernes ay naglabas ang gobyerno ng mga bagong revision ng mga priority group.