Pagbubukas ng 46th season ng PBA, inaprubahan na ng IATF

Pinayagan na ng Inter-Agency Task Force (IATF) ang kahilingan ng Philippine Basketball Association (PBA) na buksan na ang kanilang 46th season.

Ito ang inanunsyo ni Presidential Spokesperson Harry Roque.

Gayunman, sinabi ni Roque na kailangan parin dito ang mahigpit na pagtalima sa health and safety protocols batay na rin sa guidelines ng Games and Amusement Board.

Samantala, inaprubahan din ng IATF ang kahilingan ng Philippine National Volleyball Federation na maghost sa 21st ASIAN senior women’s volleyball championship basta susunod sa health protocols.

Inaprubahan din ng IATF ang updated list ng mga bansa, hurisdiksyon at mga teritoryong ikinokonsiderang “green” para sa testing at quarantine protocols para sa mga fully vaccinated indibidwals.

Ayon kay Roque, kabilang sa mga bansa na maituturing  na “green” ay ang Albania, American Samoa, Anguilla, Antigua and Barbuda, Australia, Azerbaijan, Barbados, Benin, Bermuda, The British Virgin Islands, Brunei, Burkina Faso, Cayman Islands, Chad, China, Comoros, Cote d’ Ivoire (Ivory Coast), Curacao, Dominica, Eswatini, Falkland Islands, French Polynesia, Gabon, Gambia, Ghana, Greenland, Grenada, Hong Kong (special administrative region of China), Iceland, Isle of Man, Israel, Laos, Liechtenstein, Mali, Malta, Marshall Islands ay Mauritius.

Maging ang Federated states of Micronesia, Montserrat, New Caledonia, New Zealand, Niger, Nigeria, North Macedonia, Northern Mariana Islands, Palau, Romania, Saba (special municipality of The Kingdom of Netherlands), Saint Barthelemy, Saint Pierre and Miquelon, Singapore, Sint Eustatius, South Korea, Taiwan, Togo, Turks and Caicos Islands (UK) at Vietnam.

Samantala, pinayagan na rin ng IATF ang kahilingan ng National Task Force to End Local Communist Armed Conflict na magsagawa ng nationwide bike for peace and justice.

Gayunman, maari lamang itong gawin sa mga lugar na nasa ilalim ng Modified General Community Quarantine at General Community Quarantine.