Regional
Lamig sa Baguio, umabot sa 12.2 degrees celsius nitong Enero 29
Umabot sa 12.2°C ang air temperature sa Baguio City kahapon, ika-29 ng Enero.
Ang naturang temperatura ay naitala alas-4:50, Linggo ng madaling araw.
Ayon sa PAG-ASA, epekto pa rin ito ng Northeast Monsoon o hanging amihan.
Malamig din ang temperatura noong Linggo sa Basco, Batanes (13.3°C); Calayan, Cagayan (17.2°C); Tanay, Rizal (18.2°C); Tuguegarao City, Cagayan (18.4°C); Aparri, Cagayan (18.8°C); at Abucay, Bataan (19.1°C).
Noong January 18, 1961 naitala sa Baguio ang pinakamalamig na temperatura sa buong bansa sa kasaysayan na Pumatak sa 6.3°C.
Habang 14.5°C naman ang pinakamababang temperatura sa Metro Manila sa kasaysayan na naitala noong January 11, 1914.