National News
Mga scammer na gumagamit sa pangalan ni Mayor Sara, sumuko sa pulisya
Lumutang ang 6 na kasapi ng scammer group na ‘Segundo’ para isiwalat ang kanilang malawakang iligal na operasyon.
Ayon sa mga sumuko, ginagamit nila ang viber at messenger para makapang biktima.
At punterya ng kanilang panloloko ay ang mga kilalang pangalan gaya na lamang ni Davao City Mayor Sara Duterte.
Batay sa inilabas na report ng pulisya, nagpapanggap ang grupo para makapag solicit ng campaign funds ni Mayor Inday Sarah Duterte sa pamamagitan ng paggamit ng account ni Atty. Tristan Dwight Domingo na Assistant City Administrator ng Davao City.
Si Mayor Inday ay isa lang sa mahigit 200 na naloko ng Segundo Scam group.
Ang grupo ay mula sa probinsya ng Rizal pero sinasakop ang kanilang operasyon ang buong Pilipinas.
Sa ngayon, patuloy pang pinaghahanap ng pulisya ang iba pang kasamahan nila maging ang mastermind nito na si Ramon Segundo.