Salceda sa first 100 days ni PBBM: Competent appointments, drama-free crisis management

Competent appointments, drama-free crisis management at focus sa agriculture – ito ang assessment ni House Ways and Means Chairman Joey Salceda sa unang 100 araw ni Pangulong Bongbong Marcos sa pwesto.

Ayon kay Salceda, maingat si Pangulong BBM sa ‘critical areas’ sa kanyang administrasyon.

At kahit maingat ay may agarang pagpapasya raw ang Pangulo sa mga hamon sa kanyang administrasyon gaya ng ‘agricultural imports, tax policy at management sa COVID-19 pandemic.’

Para din sa ekonomistang mambabatas, ‘stabilizing period’ ang first 100 days ng Marcos administration sa kabila ng ‘global disruption’ dulot ng tensyon sa Russia at Ukraine at iba pang panig ng mundo.

Nangako naman ng suporta si Salceda sa pagsusulong ng legislative agenda ni PBBM sa kongreso.

‘I look forward to working without President on all his key legislative priorities,’ saad ni Salceda.

Matatandaan na si dating VP Leni Robredo ang sinuportahan ni Salceda sa nagdaang 2022 presidential race dahil economically speaking ay ang talunang pambato ng Liberal Party ang angkop raw na mamuno sa bansa.