National News
Umanoy ibinebentang diploma at degree sa foreign students, pinaiimbestigahan ng Senado
Pinapaimbestigahan ni Sen. Sherwin Gatchalian sa Commission on Higher Education (CHED) ang ulat na umanoy may ibinebentang mga diploma o degree para sa foreign students sa bansa.
Kasunod ito sa sinasabi ni Professor Chester Cabalza ng University of the Philippines (UP) ilang Chinese students sa Cagayan ang nagbabayad ng P2-M para makakuha ng degree.
Ani Gatchalian, nararapat na patawan ng parusa ang sinumang mapatutunayang nasa likod nito.
Maganda aniya ang internationalization ng higher education institutions sa Pilipinas subalit hindi tama ang pagbebenta ng diploma o degree.